स्मोकी पान खाताना येणारा धूर मजेशीर वाटतो. मात्र, तुम्हाला तो धूर आजारी पाडू शकतो... स्मोकी पान खाल्ल्याने तुम्हाला पोटाचा गंभीर आजार होऊ शकतो, असा दावा करणारा मेसेज व्हायरल होतोय,त्यामुळे या दाव्याची आम्ही पडताळणी केली मग काय सत्य समोर आलं. चला पाहूयात.

स्मोकी पान, फायर पान खाताना चांगले लागतात... नाका तोंडातून धूर येतो.. मात्र, त्याचे गंभीर परिणाम नंतर पोटात होतात... पोटात आग निर्माण होऊन छिद्रही पडू शकतं इतका गंभीर परिणाम होऊ शकतो. असा दावा करणारा मेसेज व्हायरल होतोय... याची सत्यता पडताळण्याआधी व्हायरल मेसेज काय दावा केलाय पाहुयात.

व्हायरल मेसेज

स्मोकी पान, फायर पान तुम्ही खात असाल तर सावध व्हायला हवं. स्मोकी पानामुळे पोटात गंभीर आजार होऊ शकतात. पोटातील अवयवांना छिद्र देखील पडू शकतं. स्मोकि पानाचं आकर्षण अनेकांना असतं. बरेचजण स्मोकी पान खातात. हा आरोग्याचा प्रश्न असल्याने याचे काय दुष्परिणाम आहेत हे जाणून घेणं गरजेचं आहे. त्यामुळे आमच्या व्हायरल सत्य टीमने डॉक्टरांची भेट घेतली. त्यांना मेसेज दाखवला आणि याबाबत अधिक माहिती जाणून घेतली. त्यामुळे आमच्या पडताळणीत काय सत्य समोर आलं पाहुयात.

व्हायरल सत्य

स्मोकी पानात लिक्विड नायट्रोजनचा धातू असतो.

1 एमएल लिक्वीड नायट्रोजनपासून 700 एमएल गॅस तयार होतो.

लिक्वीड नायट्रोजन पोटात गेल्यानंतर पोटावर प्रचंड ताण निर्माण होतो.

हा गॅस पोटातून बाहेर पडतो, त्यावेळी पोटाला छिद्र पाडतो.

पोटातील इतर अवयवांना देखील गंभीर धोका निर्माण .

गॅसचा धूर नाकात गेला तर श्वास घेण्यासही त्रास होऊ शकतो.

स्मोकी पान खाऊन त्रास झाल्याने काही दिवसांपूर्वी बंगळुरूमध्ये एका मुलीचा पोटाचा एक भाग कापून तो शिवावा लागला. हा कंपाउंड कार्सिनोजेनिक घातक आहे. याने कॅन्सर होण्याचीही शक्यता असते. तसेच फुफ्फुसाच्या देखील तक्रारी निर्माण होऊ शकतात. त्यामुळे आरोग्यास घातक असलेले पदार्थ खाणं टाळा.