सोशल मीडियावर दररोज असंख्य व्हिडीओ शेअर केले जातात. सध्या एका व्हायरल व्हिडीओची सोशल मीडियावर चर्चा पाहायला मिळत आहे. एका घराच्या टॉयलेटच्या टाकीत ७० पेक्षा जास्त विषारी साप असल्याचे व्हिडीओमध्ये पाहायला मिळते. उत्तरप्रदेशच्या महाराजगंज येथील सोनौली कोतवाली परिसरात असल्याचे म्हटले जात आहे.

मिळालेल्या माहितीनुसार, वीरेंद्र गुप्ता नावाच्या एका व्यक्तीने पोलीस स्टेशन परिसरातील हरदीदली क्रॉसिंगवर घर बांधले. जेव्हा त्याने घरातील टॉयलेटची टाकी स्वच्छ करण्यासाठी उघडली तेव्हा धक्कादायक दृश्य दिसले. टाकीचे झाकण उचलल्यानंतर त्याला टाकीत मोठ्या संख्येने विषारी सापांनी तळ ठोकल्याचे पाहायला मिळाले.

७० पेक्षा जास्त विषारी साप दिसल्यानंतर तातडीने वन विभागाला संपर्क करण्यात आला. पण वन विभागाचे अधिकारी न पोहचल्याने गावातील एका तरुणाने धाडस दाखवले. टॉयलेटच्या टाकीत प्रवेश करुन त्याने सापांना बाहेर काढले. मिळालेल्या माहितीनुसार, हरदीदली बरखा टोला येथील रहिवासी इस्लाम उर्फ नंऐ खान याने धाडस दाखवले. मच्छरदाणीच्या मदतीने त्याने सापांना टाकीतून बाहेर काढले.

ज्या वेळेस नंऐ खान टाकीतून सापांना बाहेर काढत होता, तेव्हा काहीजण या संपूर्ण घटनेचा व्हिडीओ बनवला. हा व्हिडीओ सोशल मीडियावर प्रचंड व्हायरल होत आहे. सर्वजण खानच्या धाडसाचे कौतुक करत आहेत. यादरम्यान सोनौली पोलीस ठाण्याचे प्रभारी अजित प्रताप सिंह यांनी घटनास्थळी पोहोचून परिस्थितीचा आढावा घेतला.