सध्या राज्यात गेल्या काही दिवसांपासून मुसळधार पावसाने हजेरी लावलेली आहे. यासोबत अनेक दिवसांपासून फिरायला गेलेल्या ठिकाणी तरुणांचे स्टंटबाजी करतानाचे खूप व्हिडिओ व्हायरलही झाले आहेत मात्र यात अनेकांचा दुर्देवी मृत्यूही झालेले आहेत. त्यात सोशल मीडियावर एक धक्कादायक व्हिडिओ व्हायरल होत आहे,ज्या व्हिडिओत कोल्हापुरच्या पंचगंगा नदीत काही तरुण धोकादायक पद्धतीने उड्या मारत स्टंट करताना दिसत आहेत. सध्या सोशल मीडियावर हा व्हिडिओ तुफान व्हायरल होत आहे.

सध्या तरुणपिढी सोशल मीडियावर प्रसिद्ध होण्यासाठी काहीही करताना दिसून येतात. दिवसेंदिवस या गोष्टींची तरुणांमध्ये क्रेझच होत चालली आहे. तरुणपिढी (young generation)चर्चेत राहण्यासाठी काहीतरी हटके, मजेशीर आणि त्यात धोकादायक व्हिडिओ बनवतात. नुकताच काही तरुणांचा स्टंट करतानाचा व्हिडिओ समोर आलाय ज्यामध्ये पंचगंगा नदीच्या कडेला असलेल्या दीपमाळवरुन नदीत उड्या मारत आहेत.

व्हायरल होत असलेला व्हिडिओ हा कोल्हापुरमधील (kolhapur)आहे. गेल्या काही दिवसांपासून कोल्हापुरात मुसळधार पाऊस सुरु आहे. त्यामुळे कोल्हापुर जिल्ह्यातील सर्वच नद्या दुथडी भरून वाहू लागल्यात. त्यात पंचगंगा नदीतही दुथडी भरुन वाहु लागली आहे. त्यातच व्हायरल होत असलेल्या व्हिडिओ तुम्ही तरुणांचे धोकादायक स्टंट तुम्ही पाहू शकता. पंचगंगा नदीच्या बाजूला असलेला काठही संपूर्ण पुराच्या पाण्याने भरुन गेलेला आहे. त्यात नदीच्या काठी असलेल्या दीपमाळवरुन एकापाठोपाठ एक तरुण नदीत उड्या मारत आहे.

व्हिडिओ (Video)व्हायरल झाल्यानंतर नेटकऱ्यांकडून संतप्त प्रतिक्रिया येत आहेत शिवाय तरुणांवर कारवाई करावी असे प्रत्येक नेटकरी वर्गाला वाटत असेल. सोशल मीडियावर गेल्या काही दिवसात धबधब्यावर गेलेल्या काही तरुणांचा पाण्यात बुडून मृत्यू झाला होता. अशा घटना ताज्या असताना हे तरुण धोकादायक स्टंट करताना दिसून येत आहे.