पोलिस स्टेशन, हॉस्पिटल आणि कोर्टाची पायरी कधीच चढू नये असे अनेकजण म्हणतात. सामान्य माणसाला पोलिस स्टेशनचे नाव काढताच टेंशन येते. मात्र एका अशाच पोलिस स्टेशनमध्ये शिरण्याचे धाडस एकाने केले आहे. त्यामुळे पोलिस स्टेशनमधील कर्मचारीच नाही तर पोलिस स्टेशनच्या परिसरातील सर्व नागरिक त्याला घाबरले आहेत. तो म्हणजे भला मोठा अजगर. सध्या सोशल मीडियावर पोलिस स्टेशनचा व्हिडिओ व्हायरल होतोय, ज्यात त्या पोलिस स्टेशनमध्येच भला मोठा अजगर आढळून आलेला आहे. सध्या या घटनेचा व्हिडिओ सोशल मीडियावर प्रचंड व्हायरल होत आहे.

सापाने नाव काढताच भल्याभल्या व्यक्तींच्या अंगावर काटा येतो. सोशल मीडियावर याआधी अनेक साप किंवा भला मोठा अजगर आढळून आल्याचे व्हिडिओ व्हायरल झालेले आहेत. या व्हायरल व्हिडिओत साप कधी बेडरुमच्या बेडवर तर कधी स्वयंपाक घरात आढळून आलेला आहे. मात्र सध्या भल्या मोठ्या अजगराने थेट पोलिस (Police) स्टेशनमध्ये वर्दी दिलेली आहे.

व्हायरल होत असलेल्या व्हिडिओ (Video) बेलापूरमधीलो पोलिस स्टेशन दिसून येत आहे. ज्या पोलिस स्टेशनमध्ये एका खोलीत एक टेबल आहे. याच टेबलच्या खाली तुम्ही नीट पाहिले तर तुम्हाला वेटोळे मारुन बसलेला एक भला मोठा अजगर (Python) दिसून येईल. मात्र काही वेळात पोलिस स्टेशनमध्ये सर्प मित्र येऊन त्या अजगराला सुरक्षितीरित्या पकडून नैसर्गिक अधिवासात सोडले.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.