loco pilot beats man: दारू पिऊन रेल्वे रुळावर लोळत असलेल्या व्यक्तीमुळे रेल्वेगाडी थांबवावी लागल्याचा प्रकार समोर आलेला आहे. ज्याचा व्हिडिओ आता सोशल माध्यमांवरही मोठ्या प्रमाणात व्हायरल झालेला आहे. चंद्रपूर जिल्ह्यातील मूल सिंदेवाही मार्गावरील राजोली क्रॉसिंगवर हा सगळा प्रकार घडला आहे.

एक दारुडा रेल्वे रुळावर लोळत होता. त्याचवेळी या मार्गावरून एक मालगाडी येणार असल्याने दोन्ही बाजूने फाटक बंद करण्यात आले. वाहनांच्या रांगा लागल्या आणि रेल्वे रुळावर या दारुड्याचा धिंगाणा सुरू होता. त्याच्या जीवाची पर्वा करता गेटमनने रेल्वे चालकाला निरोप पोहोचता केला.

त्यामुळे ही रेल्वे अगदी त्याच्या जवळ येऊन थांबली आणि त्याचा जीव वाचला. मात्र, संतापलेल्या पायलटने खाली उतरून या दारुड्याला चांगला चोप देत अद्दल घडवली. या मार्गावर सुपरफास्ट गाड्याही नियमित धावत असतात.

हा व्हिडिओ saamtv या युट्युब अकाउंटवर अपलोड करण्यात आलेला असून अन्य जसे की, इन्स्टाग्राम,(Instagram) एक्स या अकाउंटवर अपलोड देखील करण्यात आलेला आहे. काहींनी हा प्रकार पाहिल्यानंतर गमंतशीर प्रतिक्रिया दिलेल्या आहेत तर काहींनी संतापजनक प्रतिक्रिया केल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.