सोशल मीडियावर बाईक अपघाताचे अनेक व्हिडीओ व्हायरल होत असतात. सध्या असाच एक विचित्र अपघाताचा व्हिडीओ समोर आला आहे. ज्यामध्ये दोन वेगाने येणाऱ्या दुचाकी एकमेकींना आदळून गोल भवऱ्यासारख्या फिरत आहे. हा व्हिडीओ पाहून तुम्हीही म्हणाल नेमका हा प्रकार काय? एखाद्या कार्निव्हल राईडसारख्या या दोन दुचाकी फिरताना दिसत आहे.

सोशल मीडियावर हा व्हिडीओ सध्या तुफान व्हायरल होत आहे. व्हायरल व्हिडीओमध्ये तुम्ही पाहू शकता, या दोन बाईकची एकमेकांना टक्कर झाली असून त्या एकमेकींमध्ये गुंतून गोल भवऱ्यासारख्या फिरत आहे. ज्यामुळे येथे मोठी वाहतूक कोंडी झाली आणि तेथील नागरिकांना धक्काच बसला आहे. दुचाकी मालक हे थांबवताना दिसतो आहे.

कॅमेऱ्यात कैद झालेला हा दुचाकी अपघात एखाद्या कार्निव्हल राईडसारखा असल्याचं बघ्याचं म्हणणं आहे. सोशल मीडियावर या व्हायरल व्हिडीओवर नेटकऱ्यांनी प्रतिक्रिया दिल्या आहेत. लोक याला आतापर्यंत पाहिलेल्या सर्वात विचित्र अपघातांपैकी एक म्हणत आहेत. तर एका युजरने दिवाळीची चक्री असं देखील म्हटलं आहे.