बैलपोळा हा सण सर्वत्र मोठ्या उत्साहात साजरा केला जातो. बैलपोळा या सणाला वर्षभर शेतात राबणाऱ्या बैलाची पूजा केली जाते. अनेक भागात संपूर्ण गावातून बैलांची मिरवणूक देखील काढली जाते. अशातच सोशल मीडियावर बैलपोळा सणानिमित्त एक व्हिडीओ व्हायरल होत आहे. यामध्ये भर मिरवणुकीत बैलाने जे काही केलं आहे ते पाहून तुमचीही पायाखालची जमीन सरकेल.

लातूरच्या खरोरा गावात दरवर्षी बैलपोळा सण मोठ्या उत्साहात साजरा केला जातो. यावर्षी देखील शेतकऱ्यांनी बैलांना सजवून संपूर्ण गावभर मिरवणूक काढली. मिरवणुकीदरम्यान गावातील एका शेतकऱ्याच्या बैलाने धुमाकूळ घातला आहे. तत्तापुरे शेतकऱ्यांचा लक्षा बैल अचानक उधळला आहे. यामुळे ग्रामस्थांची धावपळ झाली.

लक्षा बैल भर मिरवणुकीत उधळून सर्वत्र उड्या मारत राहिला आणि तो इकडून तिकडे पळत राहिला. यामुळे सर्वच ग्रामस्थ घाबरले होते. मात्र काहीवेळाने बैल स्वत:च बैल शांत झाला आणि शेतात दावणीला जाऊन थांबला. मात्र यादरम्यान कुठलीही जीवितहानी झालेली नाही. यानंतर ग्रामस्थांनी पुन्हा बैलपोळा सण साजरा करण्यास सुरूवात झाली.