सोशल मीडियावर कायमच अनेक भन्नाट व्हिडीओ व्हायरल होत असतात. अनेकदा सहज केलेली कलाकृती त्या व्यक्तीला एका वेगळ्याच उंचीवर नेते. कायमच सोशल मीडियावर वेगवेळ्या विषयांवरील व्हिडीओ प्रचंड व्हायरल होतात.
गेल्या काही दिवसांपूर्वी सोशल मीडियावर एक महिला उखाणा घेत असल्याचा व्हिडीओ व्हायरल झाला होता. लग्नाचा सीझन आला की, सोशल मीडियावर अनेक व्हिडीओ व्हायरल होतात. पण आता सध्या या व्हिडीओने नेटकऱ्यांचे लक्ष वेधले आहे. ज्यावेळी काकूंना उखाणा घ्यायला सांगितला, तेव्हा त्यांनी भारताची प्रतिज्ञा इंग्रजीमध्ये बोलत उखाणा घेतला.
सध्या हा व्हिडीओ नेटकऱ्यांच्या बराच पसंदीस पडला आहे. सध्या लग्नाचा सीझन नसला तरी, प्रत्येकाच्या मोबाईलमध्ये आपल्याला हा व्हिडीओ पाहायला मिळेल. हे नक्की... हा जबरदस्त उखाणा athvani_tuzya_mazya या अकाउंटवरुन शेअर करण्यात आला आहे. या शेअर करण्यात आलेल्या व्हिडीओवर नेटकऱ्यांनी भन्नाट कमेंट करत लाईक्सचा वर्षाव केला आहे. या व्हायरल होणाऱ्या व्हिडीओमध्ये काही महिलांचा आणि मुलींचा घोळका दिसून येत आहे. तिथल्या सर्व महिला त्यांना उखाणा घ्यायला सांगतात. (Viral Video)
पुढे व्हायरल व्हिडीओत, काकूंनी इंग्रजी भाषेमध्ये, भारताची प्रतिज्ञा म्हणायला सुरुवात केली. तोच तिथल्या सर्व महिला एकमेकींकडे पाहू लागल्या. काकींचा हा उखाणा ऐकून सर्वच पोटधरुन हसतात. काकू उखाण्यात म्हणतात, “इंडिया इज माय कंट्री, ऑल इंडियन्स आर माय ब्रदर्स अँड सिस्टर…ओन्ली वन ज्ञानदेव इज माय मिस्टर” हा उखाणा सध्या सोशल मीडियावर प्रचंड व्हायरल होत आहे. तिथल्या उपस्थित सर्व महिला आणि मुलींनी उखाणा ऐकून जोरजोरात टाळ्या वाजवताना आणि हसताना व्हिडीओत दिसत आहे.
उखाणा खरंतर कायमच काही स्पेशल इव्हेंट असेल तर, महिला आवर्जुन घेतात. उखाणा हा खरंतर एक महाराष्ट्राच्या संस्कृतीचा अविभाज्य घटक आहे. कोणत्याही शुभकार्यात महिला काव्यमय पद्धतीत किंवा विनोदी पद्धतीत उखाणा घेतात. पण या काकींचा अर्धा मराठी आणि अर्धा इंग्रजी भाषेतला हा उखाणा प्रचंड चर्चेत आला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.