महाराष्ट्राला खूप मोठा ऐतिहासिक वारसा लाभला आहे. अनेक देवदेवता, संताच्या आशिर्वादाने पावन झालेली ही पुण्यभूमी आहे. महाराष्ट्रात दरवर्षी वारकरी पायी वारी करत विठुरायाच्या दर्शनाला जातात. पंढरपूरला विठुरायाचे दर्शन घेतात. आषाढी एकादशीच्या दिवशी संपू्ण पंढरपुर विठुरायाच्या नामघोषाने रंगून जाते. लहान मुलांपासून ते अगदी वयोवृद्ध लोकांपर्यंत अनेक लोक वारीला जातात. वारीला जाताना कोणत्याही वयाचे बंधन नसतात. वारीत पायी चालताना लोक तहान-भूक विसरतात. फक्त विठुरायाचे नाव तोंडात असते. एका ८२ वर्षीय आजोबांचा वारीतील व्हिडिओ सध्या सोशल मीडियावर व्हायरल होत आहे.

विठ्ठलाच्या दर्शनाला जाणाऱ्या ८२ वर्षीय आजोबांचा उत्साह हा तरुणांनाही लाजवेल असा आहे. या आजोबांचा व्हिडिओ सध्या व्हायरल होत आहे. हे ८२ वर्षीय आजोबा आपले वय विसरुन टाळ, मृदृंगाच्या तालावर नाचताना दिसत आहे. वारकऱ्यांसोबत फुगड्या घालत वेगवेगळे खेळ खेळताना दिसत आहे. टाळ मृदृंगाच्या तालावर नाचणाऱ्या आजोबांचा व्हिडिओ खूपच मस्त आहे.आजोबांचा हा उत्साह पाहून तरुण मंडळी त्यांच्याकडे आश्चर्याने पाहत आहेत.

विठुरायाच्या वारीला जो व्यक्ती जातो तो खूप प्रसन्न असतो. वारीला सुरुवात झाली असून दररोज वारीचे अनेक व्हिडिओ सोशल मीडियावर व्हायरल होत असतात. यात अनेक लहान मुलांचे, महिलांचे आणि वयोवृद्ध लोकांचे व्हिडिओ असतात. वारीला जाणारा प्रत्येक व्यक्ती विठुरायाचे नामस्मरण करत असतो. महिला डोक्यावर तुळशी, विठुरायाची मुर्ती घेऊन चालताना दिसतात.आजोबांच्या या व्हिडिओवर लाईक्स आणि कमेंट्सचा वर्षाव होत आहे.