सोशल मीडियावर एक धक्कादायक व्हिडिओ व्हायरल होत आहे, ज्यामध्ये एक व्यक्ती थंडीपासून वाचण्यासाठी अत्यंत धोकादायक पद्धतीचा अवलंब करताना दिसत आहे. थंडीने थरथर कापणारी ही व्यक्ती जळत्या लाकडाच्या ढिगाऱ्यावर आरामात पडून असल्याचे या व्हिडिओमध्ये दिसत आहे. हे दृश्य कोणालाही आश्चर्यचकित करू शकते, कारण आगीच्या इतक्या जवळ जाणे अत्यंत धोकादायक आहे.

थंडीपासून आराम मिळवण्यासाठी त्या व्यक्तीने लाकडाच्या ढिगाऱ्याला आग लावली आणि त्याचा उबदार पलंग म्हणून वापर केल्याचे व्हिडीओमध्ये दिसत आहे. तो माणूस जळत्या लाकड्यावर झोपला. हे दृश्य जितके विचित्र दिसतंय तितकेच धोकादायकही आहे. तथापि व्हिडीओमध्ये दिसून येत आहे की, तो व्यक्ती काही काळानंतर उभा राहतो आणि कोणतीही इजा न होता तिथून निघून जातो.

या व्हिडिओने सोशल मीडियावर सर्वांनाच आश्चर्याचा धक्का दिला आहे. हे पाहून लोक वेगवेगळ्या प्रतिक्रिया देत आहेत. एका यूजरने लिहिले की, “लोक कंटेंटसाठी काहीही करण्यास तयार असतात." कोणीतरी लिहिले, "तुम्ही कितीही समजावून सांगितले तरी हे लोक समजणार नाहीत." हा व्हिडिओ “out_offun” नावाच्या इन्स्टाग्राम अकाउंटवर अपलोड करण्यात आला आहे.