आजकाल सोशल मीडियावरील रिलच्या नादात माणसे काय करतील यांचा कोणीही अंदाज लावू शकत नाही. अनेकदा फोटो आणि रिलच्या नादात अनेकांना आपला जीव देखील गमवावा लागला आहे.

उज्जैनमधून एक काळीज पिळवटून टाकणारी घटना समोर आली आहे. रीलच्या नादात एका पित्याने आपल्या पोटच्या मुलासोबत धोकादायक स्टंट केला आहे. ९ वर्षाच्या मुलाला चालत्या गाडीच्या दरवाज्याला लटकवून रस्त्यावर फिरवले आहे. सोशल मीडियावर या घटनेचा व्हिडीओ व्हायरल होत आहे. हा व्हिडीओ पाहून नेटकऱ्यांनी संताप व्यक्त केला आहे.

उज्जैन शहरात एका वडिलानी ९ वर्षाच्या मुलाला अलिशान कारच्या दरवाज्याला लटकवले आणि रस्ताभर फिरवले आहे. मंगळवारी रात्री रिलसाठी हा संपूर्ण प्रकार करण्यात आला आहे.

या संपूर्ण प्रकरणाची माहिती पोलिसांना मिळाल्यानंतर पोलिस घटनास्थळी पोहचले. पोलिसांनी ताबडतोब नियत्रंण कक्षाला याची माहिती दिली आहे. कारवाई करण्यास सांगितले. पोलिसांनी या कारचा पाठलाग करत कार थांबवली आणि मुलाला सुरक्षितपणे खाली काढलं आणि दीपक पमनानी या व्यक्तीला पोलिसांनी ताब्यात घेतलं आहे.