कोकण आणि गणपती हे समीकरण फार पूर्वीपासून आहे. कोकणात गणेशोत्सवाचा मोठा उत्साह असतो. घरोघरी गणपती बाप्पाचे आगमन होते आणि भजन, किर्तन, फुगडी, पारंपारिक नृत्य सादर केले जातात. गणेशोत्सवात महिला खास पारंपारिक कार्यक्रमासह फुगडी खेळतात. अनेक महिला या गौरी, गणपतीसमोर पारंपारिक गाणी म्हणत नृत्य सादर करतात. यामध्ये कोकणात वयोवृद्ध महिलांचा हात कोणी धरू शकत नाही. सध्या सोशल मीडियावर अशाच वृद्ध आजींचा बसफुगडी खेळण्याचा व्हिडीओ व्हायरल होत आहे.

व्हिडीओमध्ये तुम्ही पाहू शकता, आजी या पारंपारिक नृत्य सादर करत आहे. या दोघींनी बसफुगडीचा आनंद लुटला आहे. एवढच नाहीतर या दोघींमध्ये फुगडी खेळण्याची जुगलबंदी लागली आहे. अत्यंत उत्साहीने त्या फुगड्या खेळताना दिसत आहे. या दोघींच्या वयाचा विचार केला असता या ७० च्यावर असतील. मात्र याही वयातील यांच्या उत्साहाला तोड नाही. नऊवारीत आजींनी फुगडी खेळण्याचा ठेका धरला आहे.

कोकणातील आजींचा फुगडी खेळतानाचा व्हिडीओ @maza_gaav_lahulase या इन्स्टाग्राम अकाऊंटवरून शेअर करण्यात आला आहे. कॅप्शनमध्ये,कोकणातील पारंपारिक बस फुगडी वयाची ७५ री पार… पण उत्साह तरुणींनाही लाजवेल. आमच्या निरामामी आणि बायआत्या यांची जुगलबंदी सोशल मीडियावर या व्हिडीओला नेटकऱ्यांनी चांगली पसंती दिली आहे. आजींच्या फुगडी खेळणाच्या व्हिडीओ लाखो लाईक्स आले आहेत. अनेकांनी प्रतिक्रिया देखील दिल्या आहेत.