Shopkeeper and Customer Fight Video Viral on Social Media

उत्तर प्रदेशच्या हमीरपूर जिल्ह्यातून हाणामारीचा एक व्हिडिओ व्हायरल झाला आहे. एक तरुण ग्राहक आणि पाणीपुरी विक्रेत्यामध्ये जोरदार हाणामारी झाल्याची घटना घडली आहे. केवळ १० रुपयांवरून दोघांमध्ये वाद झाल्याची माहिती आहे. या दोघांच्या हाणामाराची व्हिडिओ व्हायरल झाला आहे. (Latest Marathi News)

'आज तक'ने दिलेल्या वृत्तानुसार, उत्तर प्रदेशच्या हमीरपूरमध्ये पाणीपुरी विक्रेता आणि ग्राहकामध्ये पाणीपुरीवरून वाद झाला. या दोघांच्या वादाचे रुपांतर हाणामारीत झाले. या प्रकरणी पोलिसांनी तक्रार नोंद करत तरुणाचा शोध सुरू केला आहे. पाणीपुरी विक्रेत्याला मारहाण करणारा तरुण फरार असल्याची माहिती समोर आली आहे. या तरुणाला लवकरात लवकर पकडलं जाईल, असे पोलिसांचं म्हणणं आहे.

पाणीपुरी विक्रेत्याला बेदम मारहाण

मिळालेल्या माहितीनुसार, हमीरपूरमधील अकिल तिराहे येथे पाणीपुरी विक्रेता रामसेवक हा अनेक दिवसांपासून पाणीपुरीचा धंदा लावत आहे. रामसेवक हा १० रुपयांना ५ पुऱ्या विकतो. मात्र, त्याच्याकडे आलेल्या एका ग्राहकाने त्याला १० रुपयांमध्ये ७ पुऱ्या मागितल्या. यावरून दोघांमध्ये टोकाचा वाद झाला.

दोघांचा वाद इतका टोकाला गेला की, तरुणाने पाणीपुरी विक्रेत्याला भररस्त्यात ग्राहकाने बेदम मारहाण करण्यास सुरुवात केली. तरुणाने विक्रेत्याला जोरात लाथा-बुक्क्या हाणल्या. या दोघांची हाणामारी होत असताना कोणीही त्यांची भांडणे सोडवायला पुढे आले नाही.

घटनास्थळी लोकांनी या दोघांच्या हाणामारीचा व्हिडिओ कॅमेरात कैद करण्याशिवाय दुसरं काहीचं केलं नाही. दरम्यान, या घटनेचा व्हिडिओ सोशल मीडियावर व्हायरल झाला आहे. तर या घटनेतील पाणीपुरी विक्रेत्याने कोणत्याही प्रकारची तक्रार पोलिसांत नोंद केलेली नाही.

'मी गरीब पाणीपुरी विक्रेता असून मला पोलिसांच्या चौकशीच्या फेऱ्यात अडकायचं नाही, असं त्याचं म्हणणं आहे. अशा घटना किरकोळ असल्याचं म्हणणं तेथील स्थानिकांचं आहे.

...म्हणून पाणीपुरी विक्रेत्याने तक्रारच केली नाही

पोलीस अधिकारी दुर्ग विजय सिंह यांनी सांगितले की, पाणीपुरी विक्रेत्याला मारहाण झाल्याची घटना माहिती होताच आम्ही घटनास्थळी पोहोचलो. मात्र, तोपर्यंत बेदम मारहाण करणारा तरुण पळाला होता. व्हायरल व्हिडिओच्या माध्यमातून चेहरा हेरून त्याचा शोध सुरू आहे. मात्र, पाणीपुरी विक्रेत्याने त्याच्या विरोधात कोणत्याही प्रकारची तक्रार नोंदवलेली नाही.