राज्याच्या राजकारणातून मोठी बातमी मिळत आहे. आगामी विधानसभा निवडणुकीत उद्धव ठाकरे हे महाविकास आघाडीच्या प्रचाराचे प्रमुख असणार आहेत अशी माहिती सूत्रांनी दिली आहे. उद्धव ठाकरे यांच्या नेतृत्वात राज्यामध्ये महाविकास आघाडीचा प्रचार होणार असून कॉंग्रेसच्या हायकमांडने राज्यामधील नेत्यांना यासंदर्भातली माहिती दिली आहे. यामुळे सर्व सुत्र उद्धव ठाकरे यांच्या हाती देण्याचा निर्णय घेण्यात आल्याची माहिती मिळत आहे. दरम्यान आम्हाला अशा प्रकारच्या कोणत्याही सूचना मिळाल्या नसल्याचं कॉंग्रेस नेते बाळासाहेब थोरात यांनी म्हटलं आहे.