बीड: मस्साजोगचे सरपंच संतोष देशमुख हत्या प्रकरणातील आरोपी वाल्मीक कराडला जेलमध्ये वीआयपी सुविधा दिल्या जात असल्याचा आरोप बडतर्फ पोलीस उपनिरीक्षक रणजीत कासले यांनी केला आहे. काही दिवसांपूर्वीच त्यांना जामीन मिळाला असून त्यांनी वाल्मीक कराडला जेलमध्ये सुख सुविधा मिळत असल्याचा दावा केला आहे. याबाबत त्यांनी सोशल मीडियावर एक व्हिडिओ पोस्ट करत खळबळजनक आरोप केले आहे. जामिनावर बाहेर येताच त्यांनी जेलमधील काही घटना सांगितल्या. कराडला फरसान, तीन लेयरच्या चपात्या दिल्या जातात. तसेच प्रत्येक बुधवार आणि रविवारी चिकन दिले जात असल्याचा दावाही कासले यांनी केला. आपण जेलमध्ये हे सगळे पहिले असल्याचे त्यांनी सांगितले.