कॉंग्रेसचे नेते विश्वजित कदम यांनी शरद पवार यांची भेट घेतली आहे. त्यामुळे राजकीय वर्तुळात चर्चा सुरू झाली आहे. आगामी विधानसभा निवडणुकीच्या पार्श्वभूमीवर या भेटीला आता विशेष महत्व प्राप्त झालं आहे.

जयंत पाटील यांनी यासंदर्भात एक मोठं विधान देखील काही दिवसांपूर्वी केलं होत. त्यानंतर आता या राजकीय भेटीगाठीना वेग आला आहे. विश्वजित कदम हे कॉंग्रेसचे नेते गुरुवारी सिल्व्हर ओकमध्ये शरद पवार यांची भेट घेतली आहे. विधानसभा निवडणुकीच्या अनुषंगाने सध्या महाविकास आघाडीच्या बैठका सुरू आहेत. याव्यतिरिक्तसुद्धा अनेक नेते एकमेकांची भेट घेत आहेत. आज सकाळपासूनच शरद पवार आपल्या सिल्व्हर ओक या निवासस्थानी आहेत आणि नेत्यांच्या भेटीगाठी घेत आहेत. त्यातच विश्वजित कदम यांनी देखील शरद पवार यांची भेट घेतली आहे. आगामी निवडणुकीसाठी जागा वाटपाच्या संदर्भात सुरू असलेल्या चर्चा बघता आजच्या भेटीत यावरच चर्चा होईल अशी शक्यता वर्तवली जात आहे.