रत्नागिरीमध्ये शनिवारपासून मुसळधार पाऊस सुरु आहे. पावसामुळे अनेक ठिकाणी पाणी साचलं आहे. खेडमधील नामदरेवाडीकडे जाणारा रस्ता वाहून गेल्याची माहिती समोर येत आहे. मुसळधार पावसाचा फटका खेडमधील या रस्त्यालाही बसलेला पाहायला मिळत आहे. रायगडमध्ये देखील मुसळधार पावसाचा तडाखा बसला आहे. पावसामुळे कुंडलीका नदीच्या पाणीपातळीत वाढ झाली आहे. त्यामुळे प्रशासनाकडून नागरिकांना सतर्कतेचा इशारा देण्यात आला आहे. कुंडलीका नदीवरचा जुन्या पुलावरुन पाणी वाहू लागल्याने पूल वाहतूकीसाठी बंद करण्यत आला आहे.