महायुतीतील अपक्ष आमदार बच्चू कडू यांनी आज शरद पवार यांची भेट घेतली. पुण्यातील मोदीबाग येथे बच्चू कडू आणि शरद पवार यांच्यात भेट झाली. त्यामुळे बच्चू कडू हे महाविकास आघाडीत सामील होणार अशी चर्चा राजकीय वतृळात सुरु आहे. गेले काही दिवस बच्चू कडू हे महायुतीत नाराज असल्याचं पाहायला मिळत होतं. तर आज शरद पवार यांच्यासोबत झालेल्या चर्चेत आगामी निवडणुक सोबत लढवण्याबाबत चर्चा झाल्याची माहिती सूत्रांकडून मिळत आहे. बच्चू कडूंचं काम चांगलं आहे त्यामुळे त्यांनी एकत्र यावं अशी इच्छा शरद पवार गटाच्या खासदार सुप्रिया सुळे यांनी व्यक्त केली आहे.