सकाळ माध्यम समूहाचा कार्यक्रम पार पडला. उद्योग क्षेत्रात विविध मान्यवरांचा सत्कार करण्यात आला. यादरम्यान शरद पवार गटाचे नेते जयंत पाटील उपस्थित होते. अलिबाग ते विरार कॉरिडॉरवर त्यांनी वक्तव्य केलं आहे. जमीन मिळालेली नाही तरी 15 ते 20 कोटीचं टेंडर सरकारने काढलं, सरकारचं इंटेंशन इन्फ्रास्ट्रक्चर तयार करण्याचं आहे की टेंडर घाईने देण्याचं आहे?, असा सवाल जयंत पाटील यांनी केला आहे. हातात असेल म्हणून कशीही उधळपट्टी करणं आणि टॅक्सपेअरचे पैसे कसेही खर्च करणं, असं जर राज्यकर्ते निवडणुकीच्या तोंडावर करत असतील तर ते महाराष्ट्रासारख्या प्रागतिक राज्याला हाणीकारक असल्याचं जयंत पाटील म्हणाले.