31 मार्च ते 3 एप्रिल पर्यंत सलग चार दिवस विदर्भासह अमरावती जिल्ह्याचा पारा तब्बल 7 अंशाने घसरला होता. या दरम्यान ढगाळ वातावरण असल्याने अमरावतीसह विदर्भात अवकाळी पावसाने हजेरी लावली होती, त्यामुळे हवेत गारवा निर्माण होऊन वातावरण थंडगार झाले होते. मात्र, पुन्हा एकदा अमरावतीचा पारा आज 39 डिग्रीवर गेला आहे, त्यामुळे अमरावतीकरांना उन्हाचे तीव्र चटके सहन करावे लागत आहे, 1 एप्रिल ते 3 मार्च पर्यंत अमरावती जिल्ह्याचा पारा हा 33.8 डिग्रीवर होता, मात्र आता वातावरण कोरडे झाले आहे. तर 8 एप्रिल नंतर अमरावती जिल्ह्याचा विदर्भात उष्णतेच्या लाटेचा इशारा देण्यात आला आहे, अमरावतीत काही प्रमाणात दुपारी रस्त्यावर कमी गर्दी होती, तर जे लोक बाहेर घराबाहेर पडले त्यांनी तोंडाला,नाक,कान व डोक्याला रुमाल, दुपट्टा बांधला होता.