वैष्णवी हगवणे आत्महत्या प्रकरणात रोज नवनवीन खुलासे होत आहे. शशांक हगवणेचे मामा आयपीएस जालींदर सुपेकर यांची ऑडिओ क्लिप व्हायरल झाल्यानंतर आपला हगवणे कुटुंबाशी काही संबंध नसल्याचे सांगितले होते. मात्र आता त्यांच्यावर सामाजिक कार्यकर्त्या अंजली दामनिया यांनी अजून एक गंभीर आरोप केला आहे. वैष्णवीच्या लग्नाचा रुखवत हा जालींदर सुपेकर यांच्या पत्नीने तयार केला होता, आणि त्यासाठी कस्पटे कुटुंबियांकडून त्यांनी 1 लाख 50 हजार रुपये घेतले होते. वैष्णवी हगवणेच्या लग्नात दीड लाख रुपयांचा रुखवत दिल्याची माहिती वैष्णवीच्या वडिलांनी दामनिया यांनी दिली आहे. तसेच जालींदर सुपेकर यांची पत्नी यांनीच हा रुखवत बनवल्याचं कस्पटे यांनी सांगितले.