ओंकार कदम, साम टीव्ही

पुणे: वैष्णवी हगवणे आत्महत्येनंतर सासरा राजेंद्र हगवणे आणि शशांक हगवणे हे दोघेही काही दिवस फरार होते. पोलिसांना गुंगारा देत ते पुण्यातील काही भागात जाऊन आश्रय घेत होते. त्यावेळी त्यांना अनेक लोकांनी मदत केल्याचे आढळून आल्याने पोलिसांनी त्यांना देखील ताब्यात घेतले होते. यामध्ये कर्नाटक राज्याचे माजी मंत्री वीर कुमार पाटील यांचा मुलगा प्रीतम पाटील, मावळ येथील फार्म हाऊस मालक बंडू फाटक, सातारा जिल्ह्यातील पुसे गावचा राहुल जाधव, अमोल जाधव तसेच तळेगाव दाभाडे येथील मोहन भेगडे यांना न्यायालयीन कोठडी सुनावण्यात आली होती.

या सर्वांना हगवणे कुटुंबाला मदत केल्याच्या आरोपाखाली अटक करण्यात आली होती. मात्र या सर्वांना जामीन मिळाला आहे. यांच्यावर जे कलम दाखल आहे त्यामध्ये ते जामीनपात्र आहे असे वकिलांनी सांगितले. तसेच पोलिसांनी त्यांची पोलीस कोठडी देखील मागितली होती. मात्र न्यायालयाने ती फेटाळली असून या सर्वांचा 25 हजार रुपयांच्या जात मुचालक्यावर जामीन मिळाला आहे.