वैष्णवी हगवणे हिच्या आत्महत्या प्रकरणात शशांक हगवणेचे मामा विशेष पोलीस महानिरीक्षक जालींदर सुपेकर यांनी हगवणे कुटुंबास मदत केल्याचा आरोप काही दिवसांपूर्वी करण्यात आला होता. या घटनेनंतर सामाजिक कार्यकर्त्या अंजली दमनिया यांनी देखील एक ऑडिओ क्लिप समोर आणली होती. ही ऑडिओ क्लिप समाजमाध्यमांवर व्हायरल झाल्यानंतर गृहमंत्रालयाने आज महत्वाचा निर्णय घेतला आहे.

जालींदर सुपेकर यांच्याकडून नाशिक, संभाजीनगर आणि नागपूर कारागृह उपमहानिरीक्षक पदाचा कार्यभार काढून घेण्यात आला आहे. अंजली दामनिया यांनी प्रसार माध्यमांसमोर ऑडिओ क्लिप आणल्यानंतर सुपेकर यांची चौकशी होणार का? तसेच याबाबत गृहमंत्रालय काही कारवाई करणार याकडे लक्ष सर्वांचेच लक्ष लागलेले होते. आता सुपेकर यांच्याकडून त्यांचा पदभार काढून घेत त्यांची देखील चौकशी करण्यात येणार आहे.