नाशिक जिल्ह्यात काल संध्याकाळच्या सुमारास मालेगाव, चांदवड, येवला तालुक्यातील काही गावात गारपीट,अवकाळी पाऊस आणि वादळ आल्याने शेतकऱ्यांचे मोठे नुकसान झाले आहे. चांदवड तालुक्यात झालेल्या वादळी पावसाने भडाने येथील शेतकऱ्याचा पावसाने काढणीला आलेल्या गहू शेतात आडवा झाल्याने शेतकऱ्याचे मोठे नुकसान झाले आहे. आठवडा भरात दुसऱ्यांदा चांदवड तालुक्यातील विविध भागांना पावसाने झोडपल्याने शेतकरी त्रस्त झाला असून हाता तोंडाशी आलेला घास हिरावला जात असल्याने बळीराजा चिंतेत पडला आहे. सरकारकडून लवकरात लवकर मदत मिळावी अशी मागणी शेतकऱ्यांकडून होत आहे.