उद्धव ठाकरे यांच्या शिवसेनेतून काल उमेदवारांची पहिली यादी जाहीर झाली आहे. अकोला पूर्व मतदारसंघातून गोपाल दातकर यांना उमेदवारी देण्यात आली आहे. यावेळी माध्यमांना प्रतिक्रिया देताना त्यांनी महायुती सरकारवर हल्लाबोल केला आहे. अकोला विभागाला विकासापासून वंचित ठेवण्याचं काम या सरकारने केलं आहे. असा आरोप त्यांनी यावेळी केला आहे. त्याचबरोबर मला उमेदवारी दिली असल्याने या संधीच मी सोनं करेल असंही त्यांनी म्हंटलं आहे.

विधानसभेला दातकर यांच्यासमोर भाजप आणि वंचितच्या उमेदवाराचं आव्हान असणार आहे. या आव्हानाला दातकर कसं पेलणार याकडे सगळ्यांचं लक्ष लागलेलं आहे. तर याबद्दल बोलताना दातकर यांनी मात्र आम्ही विकासासाठी लढत असल्याने आम्हाला जनतेचा पाठिंबा असल्याचं म्हंटलं आहे.

Edited By Rakhi Rajput