शिवसेना ठाकरे गटाचे पक्षप्रमुख उद्धव ठाकरे हे खासदार संजय राऊत यांच्या निवासस्थानी दाखल झाले आहेत. मागच्या काही दिवसांपासून संजय राऊत यांची तब्येत ठिक नाहीये. यामुळे त्यांनी काही दिवसांसाठी राजकीय आणि सामाजिक कार्यक्रमात देखील सक्रिय नाहीये. याबाबत त्यांनी एक पत्र देखील जारी केले होते. खुद्द पंतप्रधान नरेंद्र मोदी यांनी देखील राऊत हे लवकर बरे व्हावे अशी प्रार्थना केली होती. भांडुपच्या फोर्टीस रुग्णालयात ते अॅडमिट देखील होते. त्यावेळी त्यांनी अग्रलेख लिहित असताना फोटो ही पोस्ट केला होता. अशातच आज उद्धव ठाकरे भांडुपच्या संजय राऊत यांच्या निवासस्थानी त्यांच्या तब्येतीची विचारपूस करण्यासाठी दाखल झाले आहेत.