नाशिक: माझ्या शेतकऱ्याला देखील लाडक्या बहिणीसारखे फसवलं ते कोकाटे कोकलत होते. नमो शेतकऱ्यांचे पैसे 31 मार्च पर्यंत जमा होतील. आज 16 एप्रिल आहे कुठे गेले पैसे आले का पैसे? उलट शेतकऱ्यांची चेष्टा चालली आहे. मंत्री कोकाटे विचारता तुम्हाला पैसे कशाला पाहिजे लग्न साखरपुडे करायला का? अरे तुझ्या बापाचं काय जातंय अशा कडक शब्दांत उद्धव ठाकरे यांनी कृषिमंत्री माणिकराव कोकाटेंवर हल्लाबोल केला आहे.

शेतकरी आत्महत्या करताय तुम्ही त्यांच्या घरात कधी जाता का? असा सवाल त्यांनी सरकारला करत नाशिकचा स्मार्टसिटीच्या मुद्द्यावरून भाजपवर टीकास्त्र सोडले आहे.