शिवसेना शिंदे गटाचे आमदार निलेश राणे यांनी भाजप कार्यकर्त्याच्या घरात घुसून पैशांनी बॅग भरल्याचे थेट लाईव्ह प्रक्षेपन करत भाजप प्रदेशाध्यक्ष रविंद्र चव्हाण यांच्यावर गंभीर आरोप केला. या पैशांनी भरलेल्या बॅगेचा व्हिडिओने राजकीय वर्तुळात मोठी खळबळ उडाली. तसेच शिंदे गट आणि भाजपमधील अंतर्गत कलह देखील आता समोर आला. यावरच आता शिवसेना ठाकरे गटाचे प्रमुख उद्धव ठाकरे यांनी जोरदार भाजपवर हल्लाबोल केला आहे.

राज्यातील नगरपरिषद निवडणुकांमध्ये पैशांचा वापर होत निवडणुकांमधे पैशाचा धूर निघतांना दिसतोय आणि हा सत्तेचा माज महाराष्ट्र पाहतोय, असे ठाकरे यांनी म्हटले आहे. सामनाच्या अग्रलेखाचा हवाला देत त्यांनी राज्यात पैशाचा पाऊस आणि अतिवृष्टी भयानक पद्धतीने सुरू असल्याचा आरोप केला. सत्ताधाऱ्यांच्या वागणुकीतून सत्तेचा गर्व दिसत असल्याचेही त्यांनी नमूद केले.