पुणे जिल्ह्यातील खेड पंचायत समितीवर उबाठा शिवसेनेने निर्विवाद वर्चस्व प्रस्थापित केलं आहे. एकूण १६ पैकी तब्बल १२ जागांवर उबाठा शिवसेनेने विजय मिळवत सत्ता स्थापन केली आहे.

याच निवडणुकीत जिल्हा परिषदेलाही उबाठा शिवसेनेने ५ जागांवर यश मिळवलं आहे, त्यामुळे तालुक्याबरोबरच जिल्हास्तरावरही पक्षाची ताकद वाढली आहे. मात्र या विजयाच्या पार्श्वभूमीवर आमदार बाबाजी काळेंना संमिश्र यशाचा सामना करावा लागला आहे.

पक्षाने सत्ता मिळवली असली तरी त्यांच्या बहिणीचा निवडणुकीत पराभव झाला आहे. त्यामुळे खेडच्या राजकारणात सध्या “गड आला, पण सिंह गेला” अशी परिस्थिती आमदार बाबाजी काळेंची झाल्याची चर्चा राजकीय वर्तुळात रंगली आहे. विशेष म्हणजे राज्यातील सर्वच पक्षातील प्रमुख नेते सभा घेत असताना उद्धव ठाकरे आणि पक्षातील एकाही दिग्गज नेत्याने एकही सभा न घेतल्याचे दिसून आले. तरी देखील पुणे जिल्ह्यातील खेडमध्ये मशाल पेटली आहे.