अमेरिकेचे माजी राष्ट्राध्यक्ष डोनाल्ड ट्रम्प यांनी पुन्हा एकदा आंतरराष्ट्रीय स्तरावर खळबळ उडवून देणारे वक्तव्य केलं आहे. इराण अणुबॉम्ब तयार करण्याच्या अगदी उंबरठ्यावर असल्याचा दावा करत ट्रम्प यांनी इस्रायलच्या भूमिकेचे समर्थन केलं आहे. विशेष म्हणजे अमेरिकेच्या गुप्तचर विभागाने याआधी इराण अण्वस्त्रे विकसित करत नसल्याचा निष्कर्ष दिला होता, मात्र ट्रम्प यांनी त्याकडे साफ दुर्लक्ष केलं आहे.

ट्रम्प यांनी स्पष्ट शब्दांत इराणला ‘बिनशर्त आत्मसमर्पण’ करण्याची धमकी दिली आहे. त्यांच्या या वक्तव्यामुळे पुन्हा एकदा अमेरिका-इराण संबंधांमध्ये तणाव वाढण्याची शक्यता आहे. याआधी अमेरिकेच्या राष्ट्रीय गुप्तचर संचालक तुलसी गॅबार्ड यांनी एका अहवालात म्हटलं होतं की, इराण अणुशस्त्रांची निर्मिती करत नाहीये आणि त्याची हालचालही सध्या दिसून येत नाही. मात्र, ट्रम्प यांनी ही माहिती नाकारत इस्रायलच्या इशाऱ्यांना दुजोरा दिला आहे.