नाशिक: शिक्षक मतदारसंघ निवडणूकीबाबत माहिती समोर येत आहे. शिक्षक मतदार संघाचा प्रचार आज संध्याकाळी ६ वाजता थंडावणार आहे. या निवडणुकीत महाविकास आघाडीच्या ठाकरे गटाचे संदीप गुळवे विरुद्ध महायुतीच्या शिंदे गटाचे किशोर दराडे आणि अपक्ष उमेदवार विवेक कोल्हे यांच्यात तिरंगी लढत पाहायला मिळणार आहे. तर अजित पवार गटाचे महेंद्र भावसार देखील निवडणुकीच्या रिंगणात उतरणार आहेत. प्रचाराच्या शेवटच्या टप्प्यात महायुतीकडून मुख्यमंत्री एकनाथ शिंदे, गिरीश महाजन तर महाविकास आघाडीकडून संजय राऊत आणि अन्य नेत्यांनी जोर लावल्याचं पाहायला मिळालं होतं. मागील निवडणुकीप्रमाणे यंदाही शिक्षक मतदारांना खुश करण्यासाठी पैठण्या, सोन्याचे नाणे, नथ, कपडे वाटल्याच्या चर्चा आणि आरोप प्रत्यारोप होत आहेत