एकीकडे देशभरात गणेशोत्सवाची उत्सव सुरू असताना बिहारमध्ये दहशतवादी घुसल्याची माहिती समोर आली आहे. पहलगाम हल्ल्यानंतर भारताने ऑपरेशन सिंदूर राबवत अनेक शेकडो दहशतवाद्यांचा खात्मा केला होता. त्यानंतर भारत आणि पाकिस्तानमध्ये मोठ्या प्रमाणात तणाव निर्माण झाला आहे. तसेच आता पाकिस्तान आता भारताविरुद्ध काहीतरी कट रचत असल्याच पाहायला मिळत आहे.

मिळालेल्या माहितीनुसार, बिहारमध्ये तीन पाकिस्तानी दहशतवादी घुसल्याची माहिती समोर आलीय. यामुळे बिहारमध्ये पोलिसांच्या मुख्यालयान अलर्ट जारी केला आहे. येणाऱ्या काही दिवसात बिहारमध्ये निवडणूक असल्याने सर्वच राजकीय पक्षाचे सभा आणि रॅली पार पडत आहे. हे दहशतवादी नेपाळमार्गे बिहारमध्ये आल्याचा संशय असून हसैन अली, आदिल आणि उस्मान अशी तीन दहशतवाद्यांची नावे आहेत. बिहार पोलिसांनी नावासोबत दहशतवाद्यांचे फोटो जारी केलेय. हसैन अली हा रावळपिंडीचा रहिवाशी असून आदिल हुसन उमरकोटचा राहणारा आहे. तर मोहम्मद उस्मान हा बहावलपुरचा रहिवाशी आहे.