बदलापुरातील एका नामांकित शाळेत चिमुरड्यांवरील अत्याचार प्रकरणाचे पडसाद आता राज्यभरात उमटताना दिसत आहेत. शाळेतील सफाई कर्मचाऱ्याने चिमुकल्या मुलीवर अत्याचार केल्याचं स्पष्ट झालं असून पोलीसांकडून आरोपीला ताब्यात घेण्यात आलं आहे. प्रकरणातील नराधमाला शिक्षा व्हावी अशी मागणी आंदोलकांकडून करण्यात येत आहे. या अत्याचार प्रकरणाला वाचा फोडणाऱ्या सकाळच्या महिला पत्रकारावरावर माजी नगराध्यक्षांनी अर्वाच्च्य भाषा वापरली असून दमदाटी केल्याचीही घटना समोर आली आहे. या अर्वाच्च भाषेचा सर्वच पत्रकारांनी निषेध नोंदवला आहे.