ठाणे महापालिकेची आज पहिली महासभा पार पडली. या महासभेच्या पहिल्याच दिवशी भाजप आणि शिवसेनेत खंडाजंगी पाहायला मिळाली. भाजपचे उपमहापौर कृष्णापाटील यांनी थेट महासभेतून बाहेर पडले. आम्हाला ⁠बोलू दिले जात नाही म्हणून भाजप महिला नगरसेविकांनी जोरदार घोषणाबाजी केली. शिवसेना जाणीवपूर्वक आम्हाला डावलत असल्याचा आरोप भाजपच्या नगरसेवकांनी केला. आम्ही जनतेला बांधिल असून आमच्या प्रश्नांची उत्तरे मिळालीच पाहिजेत असे म्हणत भाजप नगरसेवक आक्रमक झाले होते. ठाणे महापालिकेची निवडणूक शिवसेना आणि भाजप एकमेकांच्या विरोधात लढले होते. मात्र, सत्तास्थापनाच्या वेळी दोन्ही पक्षांनी युती करून शिंदेगटाने महापौरपदावर दावा करत भाजपला उपमहापौरपद दिले. आज महासभेच्या पहिल्याच दिवशी सत्ताधारी पक्षांमध्ये गोंधळ झाल्याने उपमहापौरांना त्यांची खुर्ची सोडून बाहेर पडावे लागले.