आगामी महापालिका निवडणुकीसाठी सर्वच पक्षा आता इच्छुक उमेदवारांच्या मुलाखती घेण्याचे काम सुरू आहे. यामुळे सर्वच पक्षाच्या कार्यालयामध्ये तोबा गर्दी दिसून येत आहे. अशातच शिवसेना (उद्धव बाळासाहेब ठाकरे) पक्षाकडून कल्याण डोंबिवली महापालिका निवडणूक संदर्भात कार्यकर्त्यांची मुलाखत सुरू असताना आपापसात हाणामारी झाल्याचा प्रकार समोर आला आहे. कल्याण शहाड शाखा प्रमुख निशिकांत ढोणे यांना मारहाण झाली तर ढोणे यांनी भागवत बैसाने यांना देखील मारहाण केल्याचा प्रकार घडला. हे दोघे गंभीररित्या जखमी झाले असून दोघांनीही एकमेकांच्या विरोधात तक्रार दाखल करण्यासाठी पोलीस ठाण्यात धाव घेतली. पोलिसांनी दोघांनाही वैद्यकीय तपासणी करण्यासाठी रुग्णालयात पाठवले. कल्याण महात्मा फुले पोलीस स्टेशनबाहेर कार्यकर्ते जमा झाल्याचे पाहायला मिळत आहे.