शिवसेना शिंदे गटाच्या डिनर डिप्लोमसीला ठाकरे गटाच्या दोन खासदारांनी उपस्थिती लावल्याने राज्याच्या राजकारणात मोठी खळबळ उडाळी आहे. केंद्रीय मंत्री प्रतापराव जाधव यांनी दिल्लीमध्ये त्याच्या निवासस्थानी स्नेहभोजनाचा कार्यक्रम आयोजित केला होता. यावेळी ठाकरे गटाचे खासदार नागेश आष्टीकर आणि संजय देशमुख हे उपस्थित होते. राज्याच्या राजकारणात ऑपरेशन टायगरची चर्चा सुरू असतानाच ठाकरे गटाचे नांदेडचे खासदार नागेश आष्टीकर आणि यवतमाळ-वाशिमचे खासदार संजय देशमुख यांच्या स्नेहभोजनाला उपस्थिती लावली. यामुळे राजकीय वर्तुळात पुन्हा एकदा मोठा राजकीय भूकंप होणार का अशा चर्चा सुरू आहे. या डिनर डिप्लोमसीचे फोटो देखील आता समोर आले आहे.