ठाणे महानगर पालिकेचे अधिकारी सचिन बोरसे यांची निवडणूक विभाग पदावरुन हकालपट्टी करण्यात आली आहे.

अगदी काही दिवसांपूर्वी मनसे आणि ठाकरेंच्या शिवसेनेचा संयुक्त मोर्चा महापालिकेच्या विरोधात काढण्यात आला होता. दरम्यान आंदोलनापूर्वी शिष्ठमंडळाने ठाणे महापालिका आयुक्त यांची भेट घेऊन बोरसे यांच्याकडून निवडणूक विभाग हे पद काढून घ्यावे अशी मागणी लावून धरली होती या आंदोलनाच्या तीनच दिवसात बोरसेकडून निवडणूक विभाग हे पद काढून घेण्यात आले आहे.

ठाण्यातील अनधिकृत बांधकाम आणि आगामी मतदारयादीतील संभाव्य घोळावरून ठाकरे आणि मनसेच्या मोर्चात बोरसे यांच्या कार्यपद्धतीवर आक्षेप घेण्यात आले होते. यानंतर आज ठाणे महापालिका आयुक्तांनी सचिन बोरसे यांच्याकडून निवडणूक विभागाची जबाबदारी काढून घेतली आहे. निवडणूक विभाग त्यांच्याकडून काढून परवाना विभागात त्यांची बदली करण्यात आली आहे.