मनसेच्यावतीने दरवर्षी मुंबईतील शिवाजी पार्क मैदानावर दीपोत्सव साजरा केला जातो. यावर्षी देखील हा उत्सव खास असणार आहे. कारण शिवाजी पार्कवरील मनसेच्या दीपोत्सव 2025 सोहळ्याचे उद्घाटन शिवसेना प्रमुख उद्धव ठाकरे यांच्या हस्ते होणार आहे. उद्धव ठाकरेच नाव मनसेच्या दीपोत्सव पत्रिकेत छापल्याने अनेकांच्या भुवया उंचावल्या आहेत.

आगामी महापालिकेच्या निवडणुकीत ठाकरे बंधु एकत्र निवडणूक लढवतील हे जवळपास निश्चित मानले जात आहे. गेल्या काही दिवसांत ठाकरे बंधूंच्या जवळपास 7 ते 8 वेळा भेटी झाल्या आहेत. तसेच बंद दाराआड देखील दोनवेळा चर्चा झाल्याने राजकीय उलथापालथ होणार असल्याचे सांगितले जात आहे. अशातच दिवाळीच्या निमित्ताने पुन्हा ठाकरे बंधु एकत्र येत असल्याने मनसे आणि शिवसैनिकांमध्ये आनंदाचे वातावरण निर्माण झाले आहे.