तुमच्याही घरी नवीन पाहुणा येणार आहे का? आणि तुम्ही डिलिव्हरीसाठी एखाद्या महागड्या खाजगी रुग्णालयाचा विचार करत आहात का? तर जरा थांबा आणि ही बातमी नक्की वाचा. आता सरकारी रुग्णालयात बाळाचा जन्म झाल्यास त्या नवजात बालकाला थेट सोन्याची अंगठी भेट म्हणून मिळणार आहे. तमिळनाडू सरकारने गर्भवती महिलांसाठी एक अत्यंत आकर्षक आणि अनोखी योजना सुरू केली आहे.

तमिळनाडूतील विजय सरकारने आणलेल्या या नवीन योजनेचे नाव 'थाई मामन गोल्ड रिंग योजना' (Thai Maman Gold Ring Scheme) असे आहे. या योजनेअंतर्गत सरकारी रुग्णालयांमध्ये जन्म घेणाऱ्या प्रत्येक नवजात बाळाला १ ग्रॅम वजनाची सोन्याची अंगठी प्रशासनाकडून भेट दिली जाणार आहे. अधिकाधिक गर्भवती महिलांनी प्रसुतीसाठी (डिलिव्हरी) खाजगी रुग्णालयांऐवजी सरकारी रुग्णालयांमध्ये यावे आणि त्यांना प्रोत्साहन मिळावे, हा या योजनेमागचा मुख्य उद्देश आहे.