नाशिकमध्ये ठाकरे गटाचे नेते सुधाकर बडगुजर यांना पोलिसांनी तडीपारची नोटीस दिली आहे. यावर उत्तर देण्यासाठी बडगुजर यांना दहा दिवसांचा अवधीही देण्यात आला आहे. पण ही नोटीस आपल्याला राजकीय सुडभावनेने देण्यात आली आहे असा आरोप बडगुजर यांनी केला आहे. गेल्या दहा वर्षात आपल्यावर एकही केस नाही, पण एका बेकायदेशीर कृत्याप्रकरणी ही नोटीस देण्यात आली आहे. मी केलं ते बेकायदेशीर आणि हेमंत गोडसे यांनी केलं ते काय होतं असा सवालही बडगुजर यांनी उपस्थित केला.