अजित पवारांच्या निधनानंतर आता बारामती मतदारसंघासाठी पोटनिवडणूक झाली. या पोटनिवडणूकीत उपमुख्यमंत्री सुनेत्रा पवार उमेदवार आहे. या पोटनिवडणुकीचा निकाल ४ मे रोजी लागणार आहे. दरम्यान, निकालापूर्वीच सुनेत्रा पवारांच्या समर्थनार्थ बॅनर लावण्यात आले आहे. पुण्यातील मार्केट यार्ड परिसरात सुनेत्रा पवारांचे बॅनर लावून त्यावर भावी मुख्यमंत्री असं लिहण्यात आले आहे. या फलकांवर त्यांचा उल्लेख "राज्याच्या पहिल्या महिला भावी मुख्यमंत्री" असा करण्यात आला आहे. बारामतीतून सुनेत्रा पवार प्रचंड बहुमताने विजयी होतील, असा विश्वास कार्यकर्त्यांनी व्यक्त केला आहे. यावेळी फटाके फोडून जल्लोष व्यक्त करण्यात आला आहे.