राज्याचे कृषीमंत्री माणिकराव कोकाटे यांचा सभागृहात रम्मी खेळतानाचा व्हीडिओ व्हायरल झाल्यानंतर राजकीय वर्तुळात मोठी खळबळ उडाली. आता यावर भाजप नेते सुधीर मुनगंटीवार यांनीही प्रतिक्रिया दिली आहे. एखादा जनप्रतिनिधी हा लोकशाहीला घातक वर्तणूक करत असेल, तर त्याचं सदस्यत्व रद्द करण्याचा नियम संसंदेत आहे. अशाच प्रकारची एक नैतिक समिती राज्यातही आहे. या समितीने प्रकरणाची योग्य चौकशी करून विधानसभेचे पावित्र्य कायम ठेवण्याच्या दृष्टीने कार्यवाही करावी, अशी भूमिका मुनगंटीवार यांनी मांडली.

गेल्या काही दिवसांपासून महायुती सरकारमधील अनेक मंत्र्यांचे एकेक कारनामे विरोधक समोर् आणत आहे, यामुळे राज्यातील जनतेमध्ये नाराजीचा सुर उमटला असून लोक आता संताप व्यक्त करत आहे. तसेच माणिकराव कोकाटे यांनी देखील काही दिवसांपूर्वी शेतकऱ्यांच्या प्रति वादग्रस्त विधान केले होते यामुळे शेतकऱ्यांमध्ये संतापाची लाट उसळली होती. राज्यात दररोज आठ शेतकरी हे आत्महत्या करताय मात्र कृषिमंत्री हे विधानभवनातच पत्त्यांचा गेम खेळताना दिसत आहे. यावरू आता भाजप आमदार सुधीर मुनगंटीवार यांनी देखील हल्लाबोल चढवला आहे.