मुंबई : सोमवारी होणाऱ्या खग्रास सूर्यग्रहणावर तज्ज्ञांनी मोठं वक्तव्य केलंय. खगोल अभ्यासक आणि पंचांगकर्ते दा.कृ. सोमण यांनी खग्रास सूर्यग्रहण भारतातून दिसणार नाही, असं म्हटलंय. त्यामुळे ग्रहणविषयक कोणतेही धार्मिक नियम भारतात पाळण्याची आवश्यकता नाही, असंही सोमण यांनी म्हटलंय. हे खग्रास सूर्यग्रहण अमेरिकेतील विविध राज्यांमधून दिसणार आहे. दरम्यान, सूर्यग्रहणाचा आणि गुढीपाडव्याचाही एकमेकांशी काही संबंध नसल्याचंही सोमण यांनी स्पष्ट केलंय. मंगळवारी चैत्र शुल्क प्रतिपदा आहे. शालिवाहन शके १९४६ चा प्रारंभ मंगळवारपासून होतोय. त्या पार्श्वभूमीवर ज्येष्ठ खगोल अभ्यासक दा.कृ. सोमण यांनी महत्त्वाची माहिती यावेळी दिला.