EVM Found In Solapur Hotel Dhaba : सोलापूर जिल्ह्यातील मोहोळ तालुक्यातील कुरुल जिल्हा परिषद गटात एका ढाब्यावर चक्क ईव्हीएम मशीन आढळल्याने मोठी खळबळ उडाली आहे. राष्ट्रवादी काँग्रेसचे नेते उमेश पाटील यांनी हा धक्कादायक प्रकार उघडकीस आणला असून निवडणूक प्रशासनावर अत्यंत गंभीर आरोप केले आहेत. या घटनेमुळे परिसरात तणावाचे वातावरण निर्माण झाले असून निवडणूक प्रक्रियेच्या पारदर्शकतेवर प्रश्नचिन्ह उपस्थित केले जात आहे. (Maharashtra ZP election news today)

दरम्यान, या प्रकरणावर स्पष्टीकरण देताना तहसीलदार सचिन मुळीक यांनी सांगितले की, 'या मशीन राखीव (Reserve) असून कोणताही गैरप्रकार झालेला नाही'. प्रशासनाने या मशीन केवळ राखीव साठा म्हणून ठेवल्याचा दावा केला असला तरी, खाजगी ठिकाणी मशीन आढळल्याने संशयाचे वातावरण कायम आहे. या घटनेचा सविस्तर अहवाल आणि स्थानिक प्रशासनाची भूमिका जाणून घेण्यासाठी हा व्हिडिओ पहा. निवडणूक प्रक्रियेतील ही त्रुटी आहे की घातपात, याबाबत आता चर्चा रंगली आहे.