सोलापूर : वंचितने सोलापुरात आतिष बनसोडे यांना पाठिंबा दिलाय. त्यामुळे प्रणिती शिंदे यांचं टेन्शन वाढण्याची शक्यता वर्तवली जाते आहेत. सोलापुरातून महाविकास आघाडीच्या वतीने प्रणिती शिंदे यांना उमेदवारी देण्यात आली आहे. दरम्यान, वंचितकडूनही उमेदवार जाहीर करण्यात आला होता. मात्र या उमेदवाराने आपला उमेदवारी अर्ज मागे घेतल्यानंतर चर्चांना उधाण आलं होतं. अशातच वंचितने आता आतिष बनसोडे यांनी पाठिंबा जाहीर केलाय. वंजितचे उमेदवार असलेले राहुल गायकवाड यांनी निवडणुकीतून माघार घेतल्यानंतर अनेक तर्क वितर्क लढवले जात आहेत. त्यामुळे आता राहुल बनसोडे हे काँग्रेसच्या वाटेवर आहेत की काय? अशी शंका घेतली जातेय. राहुल गायकवाड यांनी सोलापुरात राहुल गांधींच्या प्रचार सभेच्या ठिकाणीही हजेरी लावली होती.