Team INDIA विश्वचषक विजय परेडसाठी वानखेडे स्टेडियमवर दाखल होणार आहे. यादरम्यान क्रिकेट चाहत्यांनी Team INDIA च्या खेळाडूंचं स्वागत करण्यासाठी मोठ्या संख्येने गर्दी केली आहे. वानखेडे स्टेडियम Team INDIA च्या स्वागतासाठी सज्ज झाला आहे. वानखेडे स्टेडियम देशवासियांसाठी खुलं करण्यात आलं आहे. वानखेडे स्टेडियम परिसरात मोठ्या संख्येने गर्दी उसळलेली असून क्रिकेट चाहत्यांची स्टेडियममध्ये प्रवेश करण्यासाठी तारांबळ उडाली आहे. स्टेडियमच्या आत जायच्या प्रयत्नात अनेक मुलांमध्ये चेंगराचेंगरी झाली. यादरम्यान एका तरुणीला दुखापत झाल्याची माहिती समोर येत आहे.