आज कोल्हापूर येथे गोकुळ दूधसंघाची बैठक पार पडली. या बैठकीत मोठा राडा झाल्याचे पाहायला मिळाले. या बैठकीत गोकुळ दूध संघाचे अध्यक्ष नाविद मुश्रिफ आणि मंत्री हसन मुश्रिफ तसेच इतर नेते उपस्थित होते. ही बैठक सुरू असताना महाडीक गटाकडून जोरदार घोषणाबाजी सुरू झाल्याचे पाहायला मिळाले. गोकुळ दूध संघाच्या सभेत मला अपेक्षित उत्तर मिळतील अशी अपेक्षा होती मात्र ती फोल ठरलेली आहे. सभेमध्ये मनमानी कारभार सुरू आहे. आपला लढा असाच सुरू राहणार असल्याची प्रतिक्रिया संचालिका शौमिका महाडिक यांनी साम टीव्ही सोबत बोलताना दिलेली आहे. गोकुळ दूध संघाची आज 63 वी सर्वसाधारण सभा पार पडत आहे. या सभेसाठी संपूर्ण मंडप सभासदांनी खचाखच भरला होता. मात्र गोकुळ दूध संघाचे अध्यक्ष नावीद मुश्रीफ यांचं भाषण संपताच सभासदांनी सभा मंडपातून काडता पाय घेतला... त्यामुळे सर्व खुर्च्या रिकाम्या पडल्या..