विषारी औषधांच्या विळख्यात सरकारी रुग्णालय अडकले असल्याची धक्कादायक माहिती समोर आली आहे. बीड नंतर पुणे, नांदेडच्या रुग्णालयात बोगस औषध आढळली आहेत. सरकारी रुग्णालयात रुग्णांच्या जीवाशी खेळ केला जातो आहे. बीडच्या रुग्णालयात ज्या विशाल डिस्ट्रिब्यूटरकडून बोगस औषधांचा पुरवठा झाला होता, त्याच डिस्ट्रिब्यूटरकडून पुण्याच्या ससुन रुग्णालयात देखील औषधांचा पुरवठा झाला असल्याची धक्कादायक माहिती समोर आली आहे. नांदेडमध्ये देखील सव्वा लाख बोगस गोळ्या जप्त करण्यात आल्या आहेत. या बोगस औषधांची व्याप्ती राज्यात सगळीकडे पसरली असल्याची भिती व्यक्त केली जात आहे.

विशाल डिस्ट्रिब्यूटरकडून रुग्णालयांना बोगस औषधांचा पुरवठा केला गेला आहे. बीडनंतर पुणे आणि नांदेडमध्ये देखील हा बोगस औषधांचा पुरवठा झाला असल्याचं उघड झालं आहे. बीडच्या डिस्ट्रिब्यूटरकडूनच पुण्याच्या ससुन रुग्णालयात औषधांचा पुरवठा झाला आहे. त्यामुळे सरकारी रुग्णालयात रुग्णांच्या जीवाशी खेळ होत असल्याचं दिसून येत आहे.