संजय गडदे, साम टीव्ही

मुंबईच्या कांदिवलीमध्ये चक्क पोलिसांना मारहाण झाल्याची घटना घडली आहे. पोलिसांना झालेल्या मारहाणीचा व्हिडिओ समोर आला आहे. मिळालेल्या माहितीनुसार, कांदिवलीच्या पश्चिम एकता नगरमध्ये मारामारीत सहभागी असलेल्या लोकांना ताब्यात घेण्यासाठी गेलेल्या पोलिसांवर स्थानिक गुंडांनी हल्ला केला. स्थानिक गुंडांना पोलिसांचा अजिबात धाक नसून ते थेट पोलिसांवर हात उचलत आहेत, असे व्हिडिओतून दिसत आहे. या घटनेनंतर कांदिवली पोलिसांचा मोठा बंदोबस्त घटनास्थळी तैनात करण्यात आला आहे. पोलिसांनी आता विभागातील सर्व गुंडांना ताब्यात घेऊन कारवाई सुरू केली आहे.