सध्या माजी मंत्री रामदास कदम शिवसेना ठाकरे गटाचे पक्षप्रमुख उद्धव ठाकरे यांच्यावर केलेल्या टीकेमुळे राजकीय वर्तुळात चर्चेत आहेत. बाळासाहेब ठाकरे यांचा मृतदेह २ दिवस मातोश्रीवरच ठेवण्यात आला होता. त्यांच्या बोटांचेही ठसे घेण्यात आले, असं रामदास कदम म्हणाले. त्यांनी केलेल्या आरोपांवर शिवसेना ठाकरे गटाचे नेते अनिल परब यांनी उत्तर दिलं आहे. तसेच थेट आव्हानही दिलं आहे.

आज उद्धव ठाकरेंनी पत्रकार परिषद घेतली. या पत्रकार परिषदेत उद्धव ठाकरेंनी राम कदमांच्या प्रश्नावर बोलणं टाळलं. 'मी गद्दार आणि नमकहरामाला उत्तर देणार नाही. ठाकरे म्हणजे काय, हे अख्खं महाराष्ट्र आणि देश ओळखतो. गद्दार आणि हरामखोराला मी काय उत्तर देणार नाही', असं ठाकरे म्हणाले.